في الغابة

1. أصبحنا ثعالب وذئابا ... وضباعا ترتع في الغابة
   
   
   وقرودا تختلق الفوضى ... وتثير ضجيجا وخرابا
   
   
   وغزالا يهجر معشبه ... خوفا من مخلب أو نابــا
   
   
   وأفاعي بالسم تفوح ... وتجـلجـل منها الأذنــابــا
   
   
   ونعامة تهرب من نمر... فتثير في الجـــو ترابــا
   
   
   وأفيالا تبحث عن ماء ... قاطعة سهولا وهضابا
   
   
   وتمد إليه الخراطـيم ....فتـجده وهــما وسرابــا
   
   
   وسوسا ينخر في الغابة... ومصمم يتركها يبـابــا
   
   
   والسبع الرابض بعرينه ... لا يقدر على هش ذبابا
   
   
   هاجر قد هجرت غابتها ... وصنعت من طين غابة
   
   
   وطرزان أطلـق لـحيته ... ولبس العمة و جلبـا بــا
   
   
   

مطلوب رئيس

مطلوب رئيس

...................

يكون جميل

لاهو تخين ولا نحيل

ويكون قد المسئولية

لو كلّفوه يقدر يشيل

يتحمل الحمل التقيل

ويكون شباب

ومش عجوز أو عليل

لو تاه في يوم

يقدر يعود من غير دليل

..................

ويكون صبور

على شعبه لو يوم يثور

مايخفشي من ضلمة

لكن يحب يعيش في نور

غاوي الحياة زي الجميع

مش غاوي عيشة القصور

ويدور مع الدنيا

لو صممت في يوم تدور

لو مرة  يعبر سكته

ما يقولشي أنا بطل العبور

...................

ويكون حسيس

وابن أصول ومش خسيس

ومش في كل مشكلة

يطلع ينادي للبوليس

ويسيب لغيره حاجة ياكلوا

مش يلهف الفول والدريس

ولو في مرة عارضوا رأيه

يقفل على النهر الهاويس !

ويكون مثال للعدالة

ما يفرّق بين حمزة وموريس

....................

ويكون جدع

مايعيشّي وحده في منتجع

والشعب مش عارف يعيش

شعب مرارته بتنفقع

عند غاز أو فرن عيش

خلاص ما عدشي ينخدع

بكلام والفعل مافيش

ويعرف إنه ها يتخلع

لو جنابه  ما يختشيش

يسترجل ويبطل دلع

والكل هايقوم يسنده

لو يوم وقع

....................

كاساتك يا وطن

كاساتك يا وطن

...................

كاساتك يا وطن بنشربها دماء ودموع

علشان نزيل الورم لازم نخاف ونجوع

تطلع أيادي ( خفية) تلعب بمدن ونجوع

ترعاها وتصرف عليها عصابة المخلوع

دي مش أيادي خفية دي أيادي مكشوفة

لكن تقول إيه للي مايعرف كوع من بوع؟!

.................................

كاساتك يا وطن بنشربها مهانة وذل

وأيادي غدّارة خلف الصفوف بتطل

وكلاب بتعوي على شباب في الطل

وعقول متحجّرة لا بتربط  و لابتحل

وغازات بتخنق ورصاصة معديّة

وكل اللي في اديهم راية وازازة خل

................................

كاساتك يا وطن بنشربها أسى وهموم

خرجنا للميدان نهتف خرجوا ولاد الشوم

متسلحين بالغبا وفي إديهم مطاوي وشوم

والدم يروي الشوارع بالليل وطول اليوم

وقع الفتى والفتاة مابين قتيل وجريح

والكدب يطلع ويصرخ إعلامهم المشئوم

...............................

كاساتك يا وطن بنشربها أمل وطموح

علشان يعيش الوطن وتعود إليه الروح

وطن رافع راسه للسما و مش مدبوح
وطن يكون الفاسد والمفسد فيه مفضوح

نغنّي أغانينا عشانك بصوت عالي

لكن ولاد الايه عاوزنّا نغنيها بصوت مبحوح

.........................................

خالــتي بهـانـة

خالتي بهـا نة

.....................

خالتي بهانة ست بسيطة

شغل سياسة ماتعرفهوش

لفّوا عليها ولاد العار

وابتدوا شغل الـ حلّق حوش

شغّلوا على راسها الزنّانة

وادّوها صورته وكام ملطوش

اتوبيس راحت راكبة معاهم

عمرها حتّى ما ركبتهوش

لقيت جوّاه بهانات تانية

و عكايش ياما وياما وشوش

نزلوا في حتة مش عرفاها

 جتّى الاسم ماعرفتهوش

اهتفوا يلّا وردّوا ورانا

وارفعوا صورته ما تنكسفوش

رفعت خالتي بهانة الصورة

وقالت زي اللي ما يتسموش

حسني دا غالي عليّ ياعيني

وولاده لأه ما يتحاكموش

رجعت بيتها بعد الوقفة

وجيرانها في الحارة ما ناموش

أصل صورتها جت عالشّاشة

وابن أخوها الواد حرفوش

قال لها: ليه كدة بس ياعمة

دولا ولاد ايه ولا يسووش

ردّت قالت خالتي بهانة :

ما هو أنا يابني مش فهمانة!

رحت معاهم بس يا إبني

علشان كنت في عرض قروش !

.......................................

ناصر أمين

تلاتين سنة

تلاتين سنة والمركبة تايهة

والشط مش باين والطوفان جايها

أصل قبطانها عمره ما كان قبطان

واخدها بالفهلوة والكدب والطغيان

رافع على قلوعها راية سودة بجمجمة إنسان

خدنا معاه للعتمة واهو كان اللي كان

تلاتين سنة واحنا في دوامة ماتنتهيش

راح اللي راح واللي راح ما يجيش

وفي يوم ماكان يحتفل بعيد أمنه

قمنا بثورة شعب ساندها الجيش

وأمنه اللي كان فارد شراع ظلمه

يومين وتالت ورابع كأنه ما فيش

والشعب في الميدان قالها مدوية

هو اللي يمشي احنا ما بنمشيش

خلعناه والخلع جابه من جدره

ويسقط الطاغي والشعوب بتعيش

تهنئة

كل عام والجميع بخير

رمضان كريم

ذوات النواة الحجرية ( الخوخ - المشمش - البرقوق - )

التسميد

عمر الشجرة	سماد عضوي	سلفات نشادر	سوير فوسفات	سلفات بوتاسيوم
	مقطف /شجرة / سنة	جم / شجرة / سنة	جم / شجرة / سنة	جم / شجرة / سنة
أقل من 4 سنوات	1 -2	100 - 150	500 - 750	100 - 150
من 4 -8 سنوات	2 - 3	200 - 250	750 - 1200	200 - 250
أكبر من 8 سنوات	3 - 4	300 - 350	1200 - 1500	300 - 350

الري

 الأشجار الصغيرة يكون الرى داخل بواكى وتكون فتراته متقاربة خصوصاً فى فصل الصيف فيكون كل ثلاثة أيام تقريباً فى الأراضى الخفيفة وكل خمسة أيام فى الأراضى الطينية لحين ثبات الشجرة جيداً فى التربة ثم تتباعد فترات الرى بعد ذلك .
• فى حالة الأشجار المثمرة تكون الرية الأولى فى فبراير وتكون غزيرة وذلك استعداداً لدفع البراعم للتفتح وبدء النشاط فى الربيع ويراعى أن يكون الرى بعمل باكية عمالة وأخرى بطالة أو بعمل حلقات حول جذوع الأشجار حتى لاتصل المياه إلى جذع الشجرة وتصاب بالصمغ .
• ايقاف الرى أثناء فترة التزهير حتى لاتتساقط نسبة كبيرة من الأزهار وفى حالة الضرورة القصوى فيكون الرى تجرية على الحامى .
• توالى الأشجار بعد ذلك بالرى حسب حالة الجو - موسم النمو - نوع التربة - بحيث تتوافر الرطوبة المناسبة طوال فترة عقد الثمار ومراحل النمو المختلفة مع مراعاة عدم المغالاة فى الرى حتى لاتتسبب الرطوبة الزائدة فى تدهور الأشجار وتعفن الجذور .
• تقليل معدلات الرى تدريجياً قبل وصول الثمار إلى مرحلة اكتمال النمو بحوالى 10 -15يوم حتى لاتصبح الثمار عصيرية لاتتحمل النقل والتداول .
• لايجب منع الرى بعد جمع المحصول لأن ذلك يسبب ضعف الأشجار وتكوين براعم زهرية غير كاملة فى الموسم التالى ولكن يجب إطالة الفترة بين الريات تدريجياً مع انخفاض درجات الحرارة .
• يوقف الرى نهائياً فى ديسمبر ويناير استعداداً لدخول الأشجار فى دور الراحة .

التقليم
هو ازالة الافرع المصابه والضعيفه و المتزاحمه و المتشابكه لبناء هيكل قوى للأشجار فى سن صغيرة و لإحداث
توازن بين النمو الخضرى والثمرى لتنظيم الإثمار ورفع جودة الثمار فى الاعمار الكبيرة.

• أنواعه وميعاده:
1. تقليم تربيه : التقليم الشتوى
• يجرى لبناء هيكل قوى للأشجار فى سن صغيرة
• عدم اجراءه يؤدى الى ضعف النمو الخضرى وزيادة المحصول مع ردائته
• يجرى فى الشتاء اثناء دخول الاشجار مرحله السكون
• اشكاله الطريقه الكأسيه المفتوحه و طريقه القائد الوسطى المحور
2. تقليم الإثمار: التقليم الصيفى
• يقتصر على خف الافرع الضعيفه والمتزاحمه و المتشابكه مع تهويه قلب الشجرة ليتخللها الهواء والضوء مما
• يساعد على تكوين دوابر ثمريه جيده ورفع انتاجية الأشجارو تحسين لون الثمار
• يجرى فى الصيف أثناء النمو
الإكثار
• بالعقله
• بالتطعيم