هتكفرني

هتكفرني هقول لك كافر

كافر بيك وبأفكارك

هتخوني هقول لك خنت

يوم ما نزلت عشان اختارك

هتجهلني هقول أنا جاهل

لأني في يوم صدقت شعارك

هتقول فل  هقول لك عندك

لأنك نفس وش مبارك

هتخوفني هقول ما بخافش

يوم  30 ةأنا نازل أشارك

هتعورني أوتقتلني أنا مش راجع

لأن بدمي راح أكشف عارك

لكن تعرف يوم ما هموت تبقى نهايتك

و بإيدك دقيت في نعشك مسمارك

.............................

ناصر أمين

يا وابور قل لي رايح على فين

لو ظل عبد الوهاب بيننا لليوم وغنى ( يا وابور قل لي )لغناها على هذا النحو :

يا وابور قل لي رايح على فين

يا وابور قل لي وها تقلب فين

عمال تجري بحري وقبلي

تدبح ناسي وتقتل أهلي

سيبني في حالي وابعد عنّي

دا انت معاك الحزن تمللي

يا وابور قل لي

عوّرت غريب و قتلت قريب

و أخدت معاك للآخرة حبيب

لو طال العمر مع الركاب

بيكون آخراليوم دا هباب

و نجيب اسعاف ويّا تروللي

يا وابور قل لي

قبل ما جيلك ها حفر قبري

لأنه طبيعي ها تقصف عمري

و أهلي في بيتي يجيلهم خبري

والمسئول راح يهرب دوغري

يا وابور قل لي

يا وابور قل لي

صفحة نقابة المهن الزراعية بشمال سيناء على الفيسبوك

رابط الصفحة

https://www.facebook.com/pages/%D9%86%D9%82%D8%A7%D8%A8%D8%A9-%D8%A7%D9%84%D9%85%D9%87%D9%86-%D8%A7%D9%84%D8%B2%D8%B1%D8%A7%D8%B9%D9%8A%D8%A9-%D8%A8%D8%B4%D9%85%D8%A7%D9%84-%D8%B3%D9%8A%D9%86%D8%A7%D8%A1/256931724428217

عبارة مألوفة ( تحت السيطرة )

الأمر تحت السيطرة ( عبارة مألوفة )

...................................................

الأمر تحت السيطرة

قايسين حالتنا بمسطرة

إن جيت في يوم قلبك تعب

على طول هانعمل قسطرة

و لو في يوم عقلك شطح

نعمل أوام الرسترة

أما إذا عجلك وقع

هاتلاقي أحسن بيطرة

عيشتكوا حلوة مسكّرة

مين قال عيشتكوا ممرّرة

ها تعرف أحسن منّنا

ما بلاش أمور المسخرة

دا احنا الحكومة يا جدع

في خدمتك متسخّرة

شفت إحنا عملنا إيه

ويا اللي قاعدين في طرة؟!

طب أقول لك إنت بتاكل ايه؟

كفته وفراخ متحمّرة

والعيش جميل والغاز كتير

خلاص ماعدشي طوبرة

وتخرج تقول اللي انت عايزه

فضينا إمتى مظاهرة؟!

والأمن في الشارع تمام

والإنفلات مش ظاهرة

الثورة قامت وانتهت

فليه أمور المنظرة !

خطوتنا دايما للأمام

مين قال خطاوينا لورا ؟!

مصر لن تركع لحد

دي مصر حرّة محرّرة !

قوم نام بقى وشد الغطا

 لازمتها ايه النخورة ؟!

ناصر أمين

كلمات ... Words: مطلــوب رئــيس

كلمات ... Words: مطلــوب رئــيس: مطلوب رئيس ................... يكون جميل مش مهم يكون سمين أو نحيل ويكون قد المسئولية لو كلّفوه يقدر يشيل يتحمل الحمل التق...

مطلــوب رئــيس

مطلوب رئيس

...................

يكون جميل

مش مهم يكون سمين أو نحيل

ويكون قد المسئولية

لو كلّفوه يقدر يشيل

يتحمل الحمل التقيل

ويكون شباب

ومش عجوز أو عليل

لو تاه في يوم

يقدر يعود من غير دليل
ويعدل كفة الميزان
لو في يوم بدأت تميل

..................

ويكون صبور

على شعبه لو يوم يثور

مايخفشي من ضلمة

لكن يحب يعيش في نور

غاوي الحياة زي الجميع

مش غاوي عيشة القصور

ويدور مع الدنيا

لو صممت في يوم تدور

لو مرة  يعبر سكته

ما يقولشي أنا بطل العبور

...................

ويكون حسيس

وابن أصول ومش خسيس

ومش في كل مشكلة

يطلع ينادي للبوليس

ويسيب لغيره حاجة ياكلوا

مش يلهف الفول والدريس

ولو في مرة عارضوا رأيه

يقفل على النهر الهاويس !

ويكون مثال للعدالة

ما يفرّق بين حمزة وموريس
ولابين مشيرة والواد عويس

....................

ويكون تمام

مايكونشي ليه شلة لئام

ويبعد عن شغل الرئاسة

كل ولاده والمدام

ويكون مثل للإلتزام

ماتكونشي كل انجازاته

كوبري ومحطة ترام
ودايما ايده نضيفة
ولا عمره يقبل الحرام

ويكون شجاع وقد الكلام

مش يطاطي للصهاينة

ويقول أنا بطل السلام

.................

ويكون جدع

مايعيشّي وحده في منتجع

والشعب مش عارف يعيش

شعب مرارته بتنفقع

عند غاز أو فرن عيش

خلاص ما عدشي ينخدع

بكلام والفعل مافيش

ويعرف إنه ها يتخلع

لو جنابه  ما يختشيش

يسترجل ويبطل دلع

والكل هايقوم يسنده

لو يوم وقع

....................

قصر الكلام وباختصار

مين اللي يرضى بالشروط دي

يكون رئيس

........................

ناصر أمين

في الغابة

1. أصبحنا ثعالب وذئابا ... وضباعا ترتع في الغابة
   
   
   وقرودا تختلق الفوضى ... وتثير ضجيجا وخرابا
   
   
   وغزالا يهجر معشبه ... خوفا من مخلب أو نابــا
   
   
   وأفاعي بالسم تفوح ... وتجـلجـل منها الأذنــابــا
   
   
   ونعامة تهرب من نمر... فتثير في الجـــو ترابــا
   
   
   وأفيالا تبحث عن ماء ... قاطعة سهولا وهضابا
   
   
   وتمد إليه الخراطـيم ....فتـجده وهــما وسرابــا
   
   
   وسوسا ينخر في الغابة... ومصمم يتركها يبـابــا
   
   
   والسبع الرابض بعرينه ... لا يقدر على هش ذبابا
   
   
   هاجر قد هجرت غابتها ... وصنعت من طين غابة
   
   
   وطرزان أطلـق لـحيته ... ولبس العمة و جلبـا بــا