ربنا وحده اللى يعلم
واحنا دورنا نبنى ونحلم
نحلم ببكرة شمسه طالعة منورة
الخطوة تبقى للأمام مش للورا
نحلم بلدنا ليها دور بين الورى
ورايتها عالية مرفرفة فوق الذرى
ربنا وحده اللى يعلم
واحنا دورنا نبنى ونحلم
نحلم مايبقى معتصم فوق الرصيف
ومافيش طابور يهدنا عشان رغيف
وبلد تظلل عالفقير وعلى الضعيف
ومافيش مكان لسرور وعز والشريف
ربنا وحده اللى يعلم
واحنا دورنا نبنى ونحلم
نحلم بقسم ندخله ونطلع سلام
من غير ضرب عالقفا وعدم احترام
وحقنا ناخده كله بالفعل مش بالكلام
وكلنا نبقى مثل للولاء والالتزام
ربنا وحده اللى يعلم
واحنا دورنا نبنى ونحلم
نحلم بشغلة زى غيرنا من البشر
من غير وسايط أو رشاوى للغجر
وراعينا يحس بينا مش قلبه حجر
ونحس الكل مصرى وولادك يامصر
ربنا وحده اللى يعلم
واحنا دورنا نبنى ونحلم
لازم نقوم بقى للعمل وللحياة
ما عدشى نهب ولا خوف من الطغاة
دا العمل هو الأمل هو طوقنا للنجاة
قوم شد حيلك ياجدع رجع للوطن بهاه
لا خضوع ولا خشوع ولا ركوع لغيرالله
ربنا وحده اللى يعلم
واحنا دورنا نبنى ونحلم
كلام جميل ياناصر
ردحذفشكرا يا دكتور عرفات
ردحذف