وقع الهلال فى القمر
والجمل طلع النخلة
و النجمة نورها انطفى
والنحلة فى القلة
ياشجرة ايه لازمتك
وانتى بلا ضلة
ياغصن بعد الجفاف
والبركة فى الشلة
والكلب صوته علا
وحصاننا بقى بغلة
ياوردة ايه دبلك
قالت لهيب شعلة
ياسمكة ليه تقفشك
سنارة على غفلة
يانجفة ليه كسرك
كرسى فى الحفلة
ياكتاب مين قطعك
قال ايد جاهلة
ياطيارة ايه وقعك
ردت رصاصة هابلة
مزمارنا ليه انكتم
غطت عليه طبلة
ياقلم مين يقصفك
رد دى ناس سافلة
ياسيف فين عنترة
قال فى الخيمة حدا عبلة
يا رموز إمتى تختفي
لمّا ما يبقى أمّي في الدولة
ليست هناك تعليقات:
إرسال تعليق